A.A.X. Celta: Emilio, Suso Santomé, Rodolfo, Jorge Santomé, Sindo, Quique, Mauro, Cantarero, Núñez, Lago, Bajcetic, Alves, Ratkovic e Alfonso.

Selección Celeste: Canteirán, Adolfo, Mido, Rivas, Seke, Pokipfi, Davizinho, Uxío, Epi, Angel, JME, Celtadpd, Gzelta, Luis e JES.

Árbitro: Adrián Souto, do colexio de Vigo.
Goles: 1-0, p.p.; 2-0, Bajcetic; 3-0, Alfonso; 4-0, Sindo; 5-0, Alfonso.



Crónica (by JES)

Unha primeira parte bastante igualada a pesar de terminar xa cun 2-0. O primeiro gol da Agrupación chegou grazas a un rexeite e o segundo dun bo cabezazo de Bajcetic. A selección celeste tivo as súas 3-4 ocasións na primeira parte pero nin Angel, JME ou Pokipfi lográrono a pesar de telo bastante cerca.

Se xa era difícil lograr romper a defensa da Agrupación e mover un pouco o xogo polo centro do campo (gran traballo de Mido e Uxío) logo estaba baixo paus todo un porteiro chamado Emilio que fixo un gran papel pero sen desmerecer o máis mínimo ao noso, Canteirán, que tivo 2-3 intervencións de mérito na primeira parte, destacando un man a man con Ratkovic que non puido marcar a pesar de verllas o cara a cara con el.

A segunda parte entre os cambios e o desgaste físico foi aínda máis complicado pola nosa banda polo que chegaron outros 3 goles. Aínda que se botou de menos a algún veterán máis, pola ilusión de poder velos xogar tan de cerca, dicir que foi toda unha honra poder compartir un partido de fútbol de xeito conxunto con xogadores do noso equipo que algunha vez viches xogar en Balaídos e gozar co seu xogo desde a bancada. Grazas a todos os que contribuístes a facelo posible.

Incidencias : non houbo amoestacións. Tras un choque de cabeza entre Luís e Bajcetic, este último abandonou provisionalmente o terreo de xogo cun forte golpe no ollo, esperamos que non sexa nada.

Fotos do partido



III Noite Celta

Os bos costumes xamais deben perderse. Un ano máis, e xa van tres, o Furancho dá Balsa acolleu a un bo grupo de compañeiros celtistas, para celebrar a esperada Noite Celta.

Esta reunión de carácter festivo serviu para estreitar máis os lazos entre celtistas, e pórlle boa cara á delicada situación do Celta. Tortilla, Empanada, orella , callos e sobre todo o brebaje máxico que nunca nos dá as costas, o licor café, serviron para que a noite se conviertira nun verdadeiro éxito.

Tampouco podía faltar a tradicional queimada así como o seu conxuro. Grupos de gaiteiros amenizaron a celebración en todo momento, e varios agasallos foron sorteados entre os presentes.

O éxito estaba garantido e a festa non defraudou. Xa van tres anos e outras tantas, cando menos, nos esperan.

Comando Celta quere agradecer a colaboración de Riebog, Pocholadas, Editorial Galaxia, Umbro, Metrokids, Distribuciones Rouco, Erta 2000, Maletas Pherkax, Upi Vigo, Fundacion Celta de Vigo, Recalvi, Joyeria Arezzo, Coren Grill e Frutas Nieves polos obsequios donados e facelos partícipes do éxito obtido nesta III edición da Noite Celta onde ensalzaron a gastronomía, a música tradicional e o celtismo.

Video e Fotos da III Noite Celta




Benvidos ó concerto

Comando Celta comeza unha nova singladura neste longo camiño celeste. Despois dun tempo aletargados vendo como nas bancadas pouco a pouco se ían apagando a chama da ilusión, o fervor e a devoción, Comando Celta decidiu voltar con espíritu e sangue celeste renovada para que percorra cada centímetro dese frío cemento e o encha dunha explosión de celtismo.

Dende sempre o noso Celta necesitou, necesita e necesitará de comandos co corazón celeste e agora, máis que nunca, é o momento de reavivar ese espíritu celtista e reanudar o camiño. Por eso queremos que ti, sí, ti, sexas nestes momentos partícipe do rexurdir do celtismo á máxima expresión. O son dos bombos, o ondear das bandeiras, o ardor no grito ¡CELTA! e o sudor da nosa camiseta nas bancadas... eso será o noso tributo a unha causa: CELTISMO PURO.

Nesta nova andaina de Comando Celta un dos seus obxectivos era o lanzamento dunha páxina web que fose o escaparate onde amosar a todos os celtistas a nosa historia, actividades, proxectos e inquietudes. Velaí, xa estamos na rede coa sana intención de facer que cada día nos sintamos máis orgullosos de ter o sangue celeste.

Esperámosvos. Vinte anos nos contemplan, outros vinte nos esperan. Benvidos ó concerto.